ചൂട്ടു വെളിച്ചം മുനിഞ്ഞു കത്തുന്നു ..
ആളുകള് പിറുപിറുക്കുന്നു..
കണ്ണെത്താത്ത ദൂരത്തോളം
എത്തിനോക്കി അവര് തീരുമാനങ്ങള്ക്ക്
ഒത്തുകൂടുന്നു...
അനാഥന്റെ ചിതയില് സനാഥന്
കൊള്ളി വെയ്ക്കുന്നു..
എരിഞ്ഞടങ്ങിയ ജീവന്റെ
അടങ്ങാത്ത ദാഹം
തൊണ്ട വരട്ടുന്നു .
തന്റെ വേലിക്കല്
മുള്ളുവേലി പണിയുന്ന
പേടിയുടെ പ്രേതങ്ങള്..
തന്റെ അനാഥത്വത്തിന് ചിതയൊരുക്കാന്
വരുന്ന സനാധനെ മറന്നു
അയാള് തന്റെ ഉണ്ണിക്ക്
ചോറ് കൊടുക്കുന്നു ..
വാനോളം സ്വപ്നങ്ങളില് അയാള്
വിയര്ത്തു കുളിക്കുന്നു ...
മരിക്കും മുന്പേ ഒരു ചാവുകുളി..
No comments:
Post a Comment